:: عن الدنيا غايب ::

حل ظلام غيابك وتاهت حكايات عيوني
وصمت النجوم يدوي بكاه غياب الحبايب

وتناثرت دموع القمر فوق امواج جفوني
تواسي دمعة تحترق على طوابع الكتايب

جسمي نحل بغيابك اهلي وربعي عاتبوني
مايدرون الروح ماتت والقلب بهواك ذايب

فوق ساحات الغيوم رفعت رايات جنوني
تمطر غرام الروح وتسقي شَعري الشايب

شوقي لوجودك حياة وجنان الروح كوني
وصادق الود يرسم بلون الغرام سحايب

ترتفع فوق سمانا قمرة ونجوم ومزوني
ونسيم عطرك سلبني حتى وصال القرايب

غيابك زلزل كياني ليت اعرف وين تكوني
لاجيك اطلب غرامك يسوي فيني العجايب

ويزيدني لقاك شوق واضمك موت يافتوني
لين احترق بنارك واعلنها لك "ماني تايب"

احبك وربي احلف بغيابك الثواني يقتلوني
تبخرت الروح سراب وانا عن الدنيا غايب