أي نوع من الشباب انت ؟؟؟؟؟؟؟؟؟؟؟عند الاشارة

السلام عليكم ورحمة الله وبركاته



اي نوع انت من الشباب عند الإشارة؟؟؟ بدون زعل !!!!!


النوع الاول

هو الي يستغل وقته ويرتب سيارته ويفتح دروج سيارته ويعفص في هالفواتير ويعقهاا في الشارع وفجأه ماتدري الاوهو ناقز في السيت الي ورا يرتبه ولا تستغرب اذا شفته ناط في دبة السياره
(الريال مرتب)
وتنفتح الاشاره والاخ مشغول في التنظيف



النوع الثاني

وهوالي تقول توه يكتشف ان ويهه محتاي تنظيف ويبند السياره علشان ينظف اذنه بالمفتاح (قصده شريف) وشوي ويقص اظافر يده وماتدري الاوهو مرفع ريله يقصها هذا اذا كان معاه مقص اظافر واذا ماكان موجود فالحل موجود طبعا
يقص اظافره بواسطه اسنانه
(قمه النظافه)



النوع الثالث

وهو اكثر واحد يفرح اذا وقف عند الاشاره علشان يبدأ يستعرض ويرقص ويردح هو وربعه ويرقصون السياره معهم !!




النوع الرابع

وهو الي قبله وهوالي يشغل شريط خالد عبدالرحمن وانواع النكد والحزن وطبعا الاغنيه من كثر مب هيه جديمه تشك انه مغنيها واحدقبل الاتحاد....




النوع الخامس

وهو الي تقول توه مكتشف انه ابو وماتسمع غير ضرابته وتلعينه على عياله الي مسوين زحمة في السيارة وماتدري الا وهو ساحب العقال ومخرب التشخيصه
(يستعمل اساليب التربيه الحديثه)

ويفرهم بكرتون الكلينكس الي مغطيه
السياره والفضل يعود محطاتنا اللي في كل مكان لو تمر
عدالهم يعطونك كلينكس هديه



النوع السادس

وهو الي يستغل الوقت وييلس يشخص ويرش عطر وشوي ومشغل شريط (سيلين ديون) مسوي

جو اجنبي وانواع القز في المواتر الي عدالهم.....( ياعل عينهم البط)




النوع السابع

وهوالي سيارته زحمه مو ناس لا ماخلى كندورة ولا غتره ولا دريس ولاجوتي حتى الدلاغ الا ومركبه
(الله يكرمكم)




النوع الثامن

وهو اذا كان الدريول طبعا الضعيف متعلق فى الدركسون والابداع يكون وراه عند المدام واخواتها وانواع السوالف والقرض والحش يوم يكونون توهم طالعين من السوق كل وحدها اطلع أغراضها وتراويهن شوى الاوهى متحمسة وصاقعة الدريول بريلها الاخت معذورة يالسة تقيس جوديها اليديد



من اي نوع انت ؟؟( جاوب بصراحة)

ولا واااحد منهم

مافي خيارات ثانية

هههههههههههههههههههههههههههه
تسلمون ع المرور